شعارات الثوره

اذهب الى الأسفل

شعارات الثوره

مُساهمة من طرف زيزو22 في 2/3/2011, 4:52 pm

الشعب يريد اسقاط النظام

مش هنسلم مش هنطاطى أحنا كرهنا الصوت الواطى
حسنى مبارك يا مفلسنا أنت بتعمل اية بفلوسنا
ارحل بقى ياعم خلى عندك دم
يلا يامصرى هد السور خلى مصر تشوف النور
يا مبارك يا طيار الطيارة في المطار
يا مبارك بن على بيناديك فندق جدة مستنيك
يا جمال قول لأبوك كل الشعب بيكرهوك
يا مبارك يا عميل صدرت الغاز لإسرائيل
مش هنمشى إلا لما يمشى
مش هنمشى هو يمشى
هم يراهنون على الوقت ونحن نراهن على الشعب
الرئاسة مش بالعافية مش عيزينك
ارحل ارحل يا جبان ياعميل الأمريكان
هتلر نادى على موسيلينى قال له مبارك بيحينى
أتفضل روح دم اخويا مش هيروح
ضحكوا علينا وقالوا تغير وقتلوا شباب التحرير
لازم يطلع بره عيزين بلادنا حرة
شدي حيلك يا بلد الحرية بتتولد
معلش يا بلدي اتاخرت عليكى
يا مشير يا مشير أحنا ولأدك في التحرير
شهيد الثورة عالي دمه علينا غالى
ثورة ثورة حتى النصر ثوره ثورة في كل شوارع مصر
يا سوزان لو بتحببه هاتى حبل وشديه
يا حكومة هشك بشك بكرة الشعب ينط في كرشك
شيلوا مبارك وحطوا خروف يمكن يحكم بالمعروف
هما يكلوا كباب وفراخ وإحنا الفول دوخنا وداخ
ياشهيد نام وارتاح بكرة نحاكم السفاح
لا للفردة ولا للاستبن لا لمبارك ولا للابن
يا مبارك صحي النوم النهاردة أخر يوم
ارحل ارحل أنت كمان مش عايزينك يا سليمان
قالوا علينا شعب جبان والشعب كله في الميدان
مجلس شعب صباح الخير دانت رئيسك ملياردير
مجلس شعب مساء الخير دانت رئيسك بق كبير
معتصمين والحق معانا لو خطفونا من البيوت
يا سرور قول الحق المجلس باطل ولا
مسلمين مسيحيين كلنا مصرين
لا مبارك ولا سليمان الاثنين عملاء أمريكان
يا أبو الطلعة الجوية فاكرينك راجل طلعت ولية
الوجوه هي هي مش هتنازل عن الحرية
يا مبارك يا عنيد السعودية مش بعيد
حط محمد جنب حنا مصر بكرة تبقى جنة
كلموه بالعبري مبيفهمش عربي
مش همشى من الميدان الا لما يطلق سوزان
مصر يا أم ولأدك اهم راح يفدوكى بالروح والدم
لا مبارك ولاجمال الأب غبي والابن جبان
أطرش ومبيسمعش وكمان غبي ومبيفهمش
إلى يحب مصر ميخربش مصر
كلنا ايد واحدة هنخلعك يا مبارك
يوم الجمعة العصر هنروح كلنا القصر
شكرا شباب مصر face book
اديا وجعتنى (من رفع اليافطة)
ارحل يا بقرة يا ضاحكة
لو عندك دم ارحل عنا
للقصر رايحين شهداء بالملايين
مصر مش عزبة أمك
عيش – حرية – كرامة – إنسانية
ارحل يا مش مبارك
مبارك طير أنت
نيرون يحرق القاهرة
الشعب المصري لا تراجع ولا استسلام
يا جيش انحاز للشعب
أتنحى يا بارد
أتنحى يا بارد انا سقعت
اسمعنا مرة سمعك 30 عام
رئيس الجمهورية عفواً لقد نفذ رصيدكم
لو بتحبنا سيبنا لوحدنا
يا ريسنا يا كريم من فضلك سيبنا ليوم الدين
أمشى بقى عاوز أروح
دة لو كان عفريت كان انصرف
حان الآن موعد الرحيل حسب التوقيت المحلى لمصر
كلموه بالعبري يمكن يفهم
مبارك يتحدى الملل!!!!!!!!!!
الليلة يا سمرا
باى مبارك موبيلات بقى
ارحــــــــــل يعنى أمشى
مطلوب التبرع بالدم لمبارك
المنوفية تعتذر للشعب المصري
ارحل ياجمال مع بابا
الحرية + الشعب – واحد = حياة مستقرة
ارحل بقى عايز أتجوز
ارحل مراتى وحشتني متزوج من 20يوم
ارحل الولية عايزة تولد والواد مش عايز يشوفك
أنجز بقى علشان احلق
مبارك يريد تغير الشعب
مبارك ال أمشى ال
رابطة نجارى مصر يسالون الأسطى مبارك عن نوع الغراء الذي يستخدمه
لسنا جياع ولكن خرجنا لاستعادة حرية مسلوبة
مش هنروح مش هنام الا لما يرحل النظام






Mubarak get out
Game over
Go to your mama
بعد التنحي
ارجع يا ريس كنا بنهزر معاك (الكاميرا الخفية)
مبارك طريق السلامة يا شرب

زيزو22

مدينة الأقامة : المحلة الكبرى
عضو فى نادى الصيد : نعم
عدد المساهمات : 75
نقاط : 145
تاريخ التسجيل : 13/07/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى