كيفية الأنضمام للمنتدى والمشاركة فيه

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

كيفية الأنضمام للمنتدى والمشاركة فيه

مُساهمة من طرف احمد اسماعيل في 15/6/2010, 2:10 am

أهلا وسهلا بكل زائر وعضو يريد الانضمام لمنتدى نادى الصيد بالمحلة الكبرى
طبعاً الشرح دا للى مش عارف ازاى ينضم للمنتدى وما يعرفشى حاجة عن عالم المنتديات
واللى عارف ربنا يزيده علم

نبتدى الشرح وبكل بساطه بعيدا عن اللغة العربيه وكلكعة الكلمات - رغم انى بحب اللغة العربية جدا
المهم
ازاى تسجل فى المنتدى علشان تشوف الموضوعات واقسام المنتدى المختلفه
شوف يا سيدى
اول حاجة لازم لازم لازم تلاته لازم اهه
يكون عندك ايميل اللى هوة البريد الالكترونى
طب لو مش عندك - اكيد هتلاقى ابنك عندة المهم يكون فى ايميل وخلاص
وبعدين
هتلاقى فوق تحت الشعار بتاع المنتدى اللى بيسموة اللوجو
حلوة كلمه لوجو دى
هتلاقى كلمه اسمها تسجيل تقوم تضغط عليها بالماوس
اول ما تضغط عليها هتفتح صفحة تانيه ولو النت تقيل اصبر على ما تفتح
بعد ما تفتح هتلاقى قوانين المنتدى
اقرا القوانين دى كويس وخد بالك منها
وخصوصا البند بتاع الصور اللى هتحطها فى المنتدى سواء صور رمزيه او صور منقوله من منتدايات تانيه
وتاخد بالك كمان من بند حط الاغانى وروابط الاغانى والحاجات دى
علشان احنا مش عايزين نشيل ذنوب احنا عايزين نفيد ونستفيد بحجات مفيدة
المهم
فى اخر الصفحة بتاع القوانين دى هتلاقى زرار طويل شويه اسمه
انا موافق على هذه الشروط
تقوم تضغط عليه
بعد ما تضغط عليه هتفتح معاك صفحة تانيه
فيها كام سؤال تقوم تجاوب عليهم
وبالنسبه لكلمه السر لازم تكون صعبة شويه يعنى ما تعملشى كلمه سر 123456 مش هيقبلها منك
ولا تكون مثلا 123456789 برضو مش هيقبلها
امال تعملها ازاى علشان يقبلها
اقولك
اكتب مثلا حروف وارقام كدة مثلا
ahmed123456
كدة بتكون صعبة شويه ويقبلها او ارقام بس كدة
14785236
برضو تمشى لانها ارقام صعبه
وبعدين الايميل
واهم حاجة فيهم الايميل
اللى قولنا فى الاول انه لازم لازم لازم يكون عندك ايميل
وبعد ما تجاوب على الكام سؤال دول
هتلاقى تحت زرار اسمه ارسال
تضغط عليه
بعد ما تضغط عليه هتظهر لك صفحة تانيه تطلب منك تأكيد كلمه السر
تقوم تكتب كلمه السر مرة تانيه ولازم تكون متطابقه لكلمه السر اللى كتبتها فى الاول يعنى ركز فى حته كلمه السر دى
بعد ما تضغط عليه هتظهر ليك صفحة مكتوب فيها ان المنتدى بعتلك ايميل على الايميل اللى انت كتبته
تقوم تروح تفتح الايميل اللى انت كتبته
هتلاقى ان المنتدى فعلا بعتلك رساله بيرحب بيك انك انضميت له
ومن ضمن الرساله هتلاقى رابط طويييييييييل
اسمه رابط التفعيل
تقوم تضغط على رابط التفعيل دا
اول ما هتضغط هيظهر لك شاشه المنتدى وترحب بيك وتقولك انك بقيت من اعضاء المنتدى
وكدة انت بقيت عضو دائم فى المنتدى
----------------
كل الكلام اللى اتكتب دا بياخد تقريبا تلات دقايق
يعنى الجديد على عالم المنتديات ميفكرشى ان الموضوع لوغرتمات
الموضوع بسيط جدا جدا جدا
-----------------
وبعد ما تقوم بالتسجيل والتفعيل فى الايميل
كل مرة تحب تدخل المنتدى - طبعا مش هتسجل تانى وتعمل اللى عملته دا
كل اللى هتعمله انك هتضغط على كلمه دخول اللى فوق
وهتكتب الاسم اللى انت سجلت بيه وكلمه السر اللى انت حطيتها اثناء التسجيل
علشان تدخل المنتدى
وما تنساش لما تيجى تخرج من المنتدى انك تطلع فوق وتضغط على كلمه خروج عشان تخرج من المنتدى
-----------------
طيب لما تدخل المنتدى تشوف المواضيع ازاى
اقولك ازاى بكل بساطه
تنقر بالماوس على القسم اللى انت عايزة
هيفتح معاك المواضيع المتفرعه منه
تقوم تنقر بالماوس على الموضوع اللى عايز تقراه
وما تنساش تحط رد علشان اللى حاطت الموضوع تعب عشان يجيبه ليك ويفيدك بيه
فلازم تكتبله كلمه شكر - صح ولا لا
طيب تكتب رد ازاى
اقولك ازاى
انت تنزل تحت خالص فى الصفحة
هتلاقى حته كبيرة كدة مستطيله وفوقها شويه رموز كتير
تقوم تنقر بالماوس فيها
وتكتب بالكى بورد اللى انت عايزة
كلمه شكر او تعليق معين
وبعد ما تخلص كتابه
تضغط على الزرار اللى تحت الحته المستطيله دى اللى اسمه ارسال
وبكدة كل اللى هيدخل المنتدى هيشوف الكلام اللى انت كتبته
--------------------
طيب لو انت عايز تعمل موضوع جديد خالص خاص بيك تعمل ايه
اقولك ازاى
هتلاقى فوق فى صفحة المواضيع شكل قلب مكتوب عليه موضوع جديد
تنقر عليه بالماوس
هيفتح معاك صفحة اول حاجة فيها
خانة عنوان للموضوع اللى انت عايز تكتبه
تقوم تكتب فيه عنوان للكلام اللى هتكتبه
وتحت العنوان مساحة كبيرة
تكتب فيها الكلام اللى انت عايزة
وبعد ما تخلص
تضغط على زرار ارسال
وبكدة كل اللى هيدخل المنتدى هيشوف الموضوع بتاعك ويردو عليه
--------------
اخيرا
انا تحت امركم فى اى استفسار للى مش عارف يسجل فى المنتدى
اخوكم
احمد اسماعيل


عدل سابقا من قبل احمد اسماعيل في 18/7/2010, 11:54 am عدل 1 مرات


سبحان الله والحمد لله ولا اله الا الله والله اكبر
avatar
احمد اسماعيل
مؤسس ومصمم المنتدى وارحب باى اقتراح فى التصميم
مؤسس ومصمم المنتدى وارحب باى اقتراح فى التصميم

مدينة الأقامة : المحلة الكبرى
عضو فى نادى الصيد : نعم
عدد المساهمات : 695
نقاط : 1007
تاريخ التسجيل : 11/05/2010

الرجوع الى أعلى الصفحة اذهب الى الأسفل

رد: كيفية الأنضمام للمنتدى والمشاركة فيه

مُساهمة من طرف رونا في 17/6/2010, 10:28 pm

مممممممممممممشششششششششششكككككككككككككوووووووووووورررررر
RONA
avatar
رونا

مدينة الأقامة : ELMEHALLA
عضو فى نادى الصيد : Oui
عدد المساهمات : 1269
نقاط : 1882
تاريخ التسجيل : 16/06/2010

الرجوع الى أعلى الصفحة اذهب الى الأسفل

رد: كيفية الأنضمام للمنتدى والمشاركة فيه

مُساهمة من طرف زهرة الوادى في 24/6/2010, 7:32 pm

جزاك الله خيرا
avatar
زهرة الوادى

مدينة الأقامة : المحلة الكبرى
عضو فى نادى الصيد : نعم
عدد المساهمات : 87
نقاط : 101
تاريخ التسجيل : 15/05/2010

الرجوع الى أعلى الصفحة اذهب الى الأسفل

رد: كيفية الأنضمام للمنتدى والمشاركة فيه

مُساهمة من طرف زهرة الوادى في 29/10/2013, 9:48 pm

شششششششكرا
avatar
زهرة الوادى

مدينة الأقامة : المحلة الكبرى
عضو فى نادى الصيد : نعم
عدد المساهمات : 87
نقاط : 101
تاريخ التسجيل : 15/05/2010

الرجوع الى أعلى الصفحة اذهب الى الأسفل

رد: كيفية الأنضمام للمنتدى والمشاركة فيه

مُساهمة من طرف صفاء جلال في 25/1/2015, 8:19 am

شكرا على المعلومه Very Happy

صفاء جلال

مدينة الأقامة : المحله الكبرى
عضو فى نادى الصيد : نعم
عدد المساهمات : 1
نقاط : 1
تاريخ التسجيل : 22/12/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى