كلة الا العلم : محاولة شخصية لتجربة شعرية

ممكن زمان كنت فاكر اني اقدر الطير
و اني اقدر اتعلم من الحاجات دي كتير
عشان شوية كتب لمؤلفين حمير
ضيعوا لي وقتي في العلم و التفكير

قالولي يا بني دي حاجه سهله و ممتعه
قلتل لو بالسهوله نقرا كتابين تلاته اربعه
يا عيني عليه في لحظه لبست البردعه
و مشيت في سكة الناس اللي دماغها مطرقعه
قلت دا هما الناس اللي في عروشها مربعه
اتاري الناس دي شربه او ملوخيه او مسقعه


و فضلت ماشي في سكتي اتعلم اللي قدرت عليه
و قلت طالت سكتي هانت شويه و هبقي بيه
و تعبت تعبت و كل دا علي ايه
دول وصلوا للسما و احنا في الارض يا بيه
يعني لازم نطلع للسما و ليييه !!
شوف حالك يا سطي و شغل اتلهي فيه
مبيدوش هنا اللي يعمل اللي عليه
يا اما تطلع بره و يبقي حظك ايه
يا اما تشرب حاجه و تنسي العالم باللي فيه


يا عم سيبك منها و الله ما جايبه هم
فيزيا ولا كيميا اهو كله غم في غم
و انسي المشوار ده كله
او اعتبره حتي حلم
وخلي الشعار دايما "كله الا العلم "