عزومة مش مكلفة بالصور

عملت شوية حاجات باللحمة المفرومة 
مش مكلفة وهنزل لكم الصور الاول

انا بقى زى ماانتوا شايفين حطيت الصوانى بحالها وقلت خلى البساط احمدى وهما يتصرفوا ويقطعوها
وكمان كنت مستعجلة فرصيت السفرة على الماشى
ودى صور كل طبق لوحده
المكرونة بالبشاميل من غير ولا نقطة سمن

ودى بقى انا عملت اللحمة المعصجة نى فى نى من غير سمن
حطيت اللحمة مع البصل والتوم والفلفل الرومى على النار وبعدين تبلتهابالملح والفلفل وقرفى وجنزبيل وروزمارى بسيط وكركم وكارى
واخيرا بقدونس
والبشاميل على البارد اللبن معاه كوب شوربة وملح وفلفل ودقيق ويتضرب بالمضرب السلك ويتحط على النار وممكن تضيفى بيضة او جبنة رومى مبشورة
والمكرونة مسلوقة وعليها ملح وفلف وكمون
وبعدين هتحطى طبقة بشاميل فى قعرالصينية وتخلطى المكرونة بالحمة وتحطيها فوق البشاميل وتغطيهابطبقة بشاميل وممكن ترشى عليها جبنة مبشورة او تربى بيضة وتحطيها على الوش او معلقتين قشطة
بس وعلى الفرن جرى
اما دى بقى الكوسة بالبشاميل

دى بقى هتقطعى الكوسة حسب راحتك مكعبات دواير صوابع
وهتشوحيها بشوية سمن وملح وفلفل لحد ماتنزل ميتها
ونفس طريقة المكرونة بشاميل تحت وكوسة ولحمة وكوسة وبشاميل تانى
ودى قوارب البطاطس بالبشاميل

دى بقى هتقورى البطاطس بسيط وهتقليها فى الزيت
وتتحشى باللحمة وعليها البشاميل
وممكن تحطى بدال البشاميل صلصة او جبنة مبشورة
ودى بقى صينية بطاطس باللحمة المفرومة والصلصة

ودى بطاطس قورتها زى المحشى وحمرتها وحشيتها باللحمة وحطيت عليها صلصة وفى الفرن
ومعاها حمام محشى وملوخية ومخلل وباذنجان مخلل
وعيش بيتى
هاايه رايكم شفتوا بقى اللحمة والبشاميل عملت بيهم كذا حاجة

جميله
بس الاجمل انى اكل منها

mshkoooooor

براااااااااااااااااااااافو