تعالو نغير حياتنا فى رمضان

من طرف اميرة 22/7/2010, 3:44 pm

مسلسلاتك عندنا

يا ترى حتتفرج على أنهي قناة في رمضان ، وحتابع أنهي مسلسلة ، ده تقريبا مفيش نجم من النجوم إلا وعامل مسلسلة جديدة ، شكل المسلسلة الفلانية حتكسر الدنيا السنة دى ، ورمضان السنة دى حيجي في عز الصيف ، والزهق والملل حيبقى على الآخر ، وإحنا حنسلي صيامنا في إيه ؟؟ فأكيد حنشوف حاجة نكسر بيها الملل ، أظن رمضان حيبقى ليه ستايل جديد من السنة ده .

ده كلام غالب الناس النهاردة ، وبيني بينكم الجو العام صحيح يجيب للواحد اكتئاب ، فيعني لو فرفشنا حبتين في رمضان والموسم أجازات وصيف يبقى إيه المانع ؟
أنا
بس رمضان ضيف غالي ، بيجي بالخير كله من عند ربنا ، لما تتخيل إنك تنجح النجاح الكبير يوم ما ربنا يعتق رقبتك من النار مش ده يستاهل منك لحظة تفكير .
لما تلاقي ذنوبك كلها ربنا غفرها ليك وتبدأ صفحة جديدة مع ربنا ، مش ده يحتاج منك قرار مختلف .
لما تلاقي ربنا يهديك ليلة اللي يقومها صح ، ربنا يعطيه ثواب واحد عبد ربنا أكثر من 83 سنة متواصلة ، مش محتاجة منك إنك تضحي شوية علشان الفرصة ما تضيعش منك .
بس إنت الشيطان بيقولك : إنت مش بتاع السكة ده ؟ وده شغل الشيطان إنه يهمدك ويحسسك بصعوبة الطريق ، وبإنك مش حتبقى مبسوط ولا سعيد ، طيب قولي ، مش السعادة ده من عند ربنا ، طيب تتصور إنه يديها لمين ، للي بيعصيه ؟؟ ولّا اللي بيطيعه ، انت مصدق(ة) نفسك إنك سعيد(ة) ، إنت مسجون(ة) ومش حاسس (ة) ، إنت " مسلسل(ة) " وإنت مش داري(ة)

وأنا عارف إنك حتقول : وفيها إيه المسلسلات !! ده كمان حرام!!
وأنا اقولك : تصدق النبي صلى الله عليه وسلم القائل عن رمضان " ما مر بالمسلمين شهر قط خير لهم منه ، وما مر بالمنافقين شهر قط أشر لهم منه ... إن الله ليكتب أجره ونوافله ، ويكتب إصره وشقاءه من قبل أن يدخله ، وذاك لأن المؤمن يعد فيه القوة من النفقة للعبادة ، ويعد فيه المنافق ابتغاء غفلات المؤمنين وعوراتهم فهو غنم للمؤمن يغتنمه الفاجر " [ رواه أحمد في مسنده (2/524 ] قولي إنت بقى مين المنافق اللي بيبتغي غفلات المؤمنين ، قولي وانت مركز مع المسلسل في ليلة من الليالي تعتقد إنه الملك لو نزل يعطي جايزة كل ليلة من " العتق من النيران " إنك حتبقى من أهلها !!!
ليه تبيع جوايز الآخرة ؟ ليه ترفض الهدية ؟ ليه مبتفكرش إنك تضمن أخرتك ؟؟!!

ده فعلا مسلسلات بتقيد الواحد ، بتكتف الواحد ، بتعيش الواحد من غفلة لغفلة ، إنت مش حتعيش صح وانت بعيد عنه ، ليه بتهرب منه ، ليه مش عايزه ، ليه بترفض طريقه ، تعرف إن ربنا بيبسط لك يده كل ليلة وفي كل نهار علشان تتوب ، إنت ممكن ترد يده ؟؟؟
تعرف إن ربنا بينزل كل ليلة علشان يتوب عليك ويغفر لك ويستجيب دعاءك ، ليه لأ ؟؟ ليه سايب نفسك للدنيا تلعب بيك ؟ الحياة معاه هي الحياة ، سيبك من العيشة اللي انت عايشها ، ما سمعتش عن " رامي الشمال " نجم ستار أكاديمي اللي كان بيشوف في المنام إنه ماشي في طريق ضلمة ، وكان عنده 22 سنة ، واتقلبت عربيته ومات في لمح البصر ، مش ده النجم !! تحب تعيش وتموت زيه ؟؟
وقولي : لأ ليه ؟؟ ليه ما يحصلش ، ما هي نفس العيشة ، ونفس الحياة ، تحب تقابل ربنا إزاي ؟
رمضان بيهتف فيك " يا باغي الخير أقبل " تعال ، حط إيدك في إيدي ، فكر السنة ده ، حتصلي القيام فين ؟ وحتقرأ قرآن أد إيه ، حتعمل خير أد إيه ؟؟ حتحاول تكفر عن ذنوب السنين إزاي ؟ حتجري لربنا ، وتقوله : أنا جايلك يا سيدي ويا حبيبي ويا مولاي ، أنا مش حسيب سكتك تاني ، يا رب لو حارجع للي أنا فيه : اقبضني في رمضان غير مفتون بعد ما تتوب عليَّ .
يلا بينا كلنا نقول : "إني ذاهب إلى ربي سيهدين " كلنا حنجدد توبتنا ، حنقاطع كل اللي بيسلسلنا ، أنا عايز قلب جديد ، أنا عايز أبقى إنسان اتولد من جديد ، وولادته في رمضان السنة ده .

من طرف بلسم حياتي 22/7/2010, 7:14 pm

بصراحة في رمضان انا لازم أتغير
يالله نعمل حملة لمقاطعة المسلسلات في رمضان
يالله نعمل حملة لأكبر عدد من ختمات القرآن في رمضان
يالله تعمل حملة ندعو فيه الشباب و البنات وكل الناس للعودة لله
تكون في كل مكان في المسجد ، الشارع، النادي، المقاهي ، المدارس ، والمستشفات ، ........ في كل مكان
تعالوا نجهز له من الان
رمضان بلا معاصي

تسلم الايادي يا

أميرة

موضوع رائع
وفي
انتظار المزيد من ابداعاتك

Thanks for great work

تعالو نغير حياتنا فى رمضان Www.hh50.com-Gallery-Pictures-Signatures-Ramadan-0301

تعالو نغير حياتنا فى رمضان Www.hh50.com-Gallery-Pictures-Signatures-Ramadan-0301

اذا افتخر الناس بأنسابهم فأنا مسلم وأفتخــــــــر
مسلــــم وأحب ربــى وفـى طاعتــه مستـمـــــــــر
مسلــــم وأحــب رســــــــولى وبسنته أأتمـــــــــر
فقبل أن يزورنى الموت وعلى الفراش احتـضــر
عليا أن اتقيك يا مـــــــن اليـــه أنا مفتقــــــــــــر
وعليا أن اخاف من نار بالحجارة والناس تستعر
وأعمل لدار غد دار الخلــــــــــــود والمستـقــــر
أخوكم / بلسم حياتي

من طرف رونا 23/7/2010, 12:48 am

تسلم الايادي يا اميرة على الموضوع الجميل

من طرف ahmed fouad 24/7/2010, 7:22 pm

اللهم بكل اسم .سميت به نفسك .او انزلته في كتابك. اوعلمته احد من خلقك.او استأثرت به في علم الغيب عندك ...ان تجعل رمضان وما فيه من ختام للقران... ربيع قلوبنا... ونور صدورنا... وجلاء ذنوبنا ...وذهاب همنا .وسببا في هدايتنا..يا رب العالمين....امين
شكرا اميره.... موضوع جميل..

تعالو نغير حياتنا فى رمضان

تعالو نغير حياتنا فى رمضان

رد: تعالو نغير حياتنا فى رمضان

رد: تعالو نغير حياتنا فى رمضان

رد: تعالو نغير حياتنا فى رمضان