للكوسه فى بلدى شئون

للكوسه ف بلادي شئون
وانت ايش تكون
بتخلي المسنود فرعون
يتفرعن فين مهما يكون
بتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون
للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون
أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون
للكوسه ف بلادي شئون
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
للكوسه ف بلادي شئون
ويا
عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون
للكوسه ف بلادي شئون
ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون
للكوسه ف بلادي شئون
ولو انت بتعرف فران
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون
للكوسه ف بلادي شئون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف
المهنه المدفون
لكن لو شاعر غلبان
قلت اللي ف نفسك علطول
حيقولو مين قال لك قول
ويهاجمك مليون إنسان
والتهمه أنك فنان
مش برضه كلامي يا جدعان
بيحصل .. ولا أنامجنون
و
للكوسه ف بلادي شئون
ولو فيها مصيبه يبقى والله الكلام منقوووووووووووووووووووووو منقول

تسلم ابو البنات
بس فى قسم للشعر
مش عارف انت مغرم دايما تحط شعرك فى الطرائف ليه
وانا ارجع انقلها لقسم الشعر

تسلم ايدك

حبيبى يا ابو البنات قرات بتاعتى( يا شعبى ياببيبى ) سواد هيعجبك

وانا اموت فى الشعر الاسود
هنخليها سواد فى سواد

بلاش نتكلم عن السواد كتير ا منشوفشى النزر بعد كده
وبعدين انا تعبك معاياه يا احمد باشا معشى اص انا اتولد فى مواقف وطرائف دايما تلاقينى باحن ليها والبركه فيك طبعا ويا زيزو عايزين سواد اكتر شفت بتاع القمر

مشكوووووووووووووووور