اقتراح خطير بمعنى الكلمه

انا شوفت اقتراح من ضمن الاقتراحات بيقول انه يتزرع الفل على طول سور الحديقه
يعنى ريحة الفل هتملى المكان
وريحان يتزرع على البحر علشان طرد الناموس
دا كلام جميل قوى واقتراح رائع
ايه رايكم بقا
لو حطو على اعمدة الانارة الحديد اللى بتتعمل دلوقتى
سماعات زى سمعات الجوامع الصغيرة دى
اللى بتتحط جوة الجامع
وتتوصل بمكريفون وكمبيوتر فى الادارة
كمبيوتر علشان ممكن يتشغل موسيقى هاديه بصوت واطى استريو ____ الله - ايه الروعه دى
ريحة فل وموسيقى هاديه وااااااااااااااااااااااو
والمكريفون علشان لو فى رساله صوتيه لكل الاعضاء ,مثل يعنى
او عايزين واحد معين ينادو عليه ,برضو مثلا يعنى
ومش لازم على كل الاعمدة يعنى كل تلات او اربع اعمدة يحطو سماعه
ولعلمكم انا شوفت الموضوع دا معمول فى الحديقه الدوليه فى القاهرة بس من زمان
وعجبنى جدا جدا جدا وكان رائع
وكانو مشغلين اغنيه ميادة الحناوى الحب اللى كان بصوت استريو هادى
ومطرح ما تروح فى الحديقه سامع الاغنيه

اكيد الاقتراح دا هيعجب الكل
وهيخلى النادى فى السما
ولا تقولى بلديه ولا يحزنون

اللى موافق على الاقتراح دا يكتب رد يدل على الموافقه
علشان الادارة تشوفه وتعرف ان طلب جماعى

وااااااااااو
روعه فعلا
يارب يعملوه
افكار جامدة

احسن اقتراح

جميل جدا جدا

يا اخوة يا كرام
فعلا الادارة بتنفذ الاقتراح دا
وبيعملو توصيلات للسماعات على الاعمدة اللى محطوطه هناك على الجانبين
وكمان الفل والياسمين هيتحط على طول سور الحديقه
يعنى هيبقى اجمل قطعه ارض فى محافظه الغربية كلها