قوم يا مصرى

من طرف ابو البنات 4/10/2010, 12:48 pm

دندن وسمعنا الغنا ..
يا شعب كُتب له الهنا
واكتم فى قلبك حسرتك..
واياك تبطل دندنة
يامصرى مالك منطوى ..
والخيبة جاتلك بالقوى
مالك بقيت زى الحمل
اللى إنسرق منه الأمل
سيبت اللى حيلتك يتنهب ..
هو انت معمول لك عمل
الصفقة جاية مسرطنة
كل واشبع بالهنا
وأحفر بإيدك تربتك
واحدف عيالك فى القنا
قاعد تقرقش فى البصل
وتشتكى من اللى حصل
والدنيا فاقت كلها
وانت اللى نايم فى العسل
صح صح وقوم من غفوتك
واعرف بقى فين سكتك
وامشى برزانة وجدعنة
عاوزين نشوف همتك
ماتقولشى ضاعت همتى
والخلق شكوا فى زمتى
قول مصر خيرها فى دمنا
باهديها عمرى وصحتى
وامشى الطريق من أوله
أعمل حسابك توصلة
اعمل حسابك توصلة
.من غير وزير وا خفير
ولا ريس فى الحق تقيل
شيل الحديد حط الحديد
خيك شديد....قوم يامصرى
مصر دايما بتناديلك

من طرف رونا 15/10/2010, 4:51 pm

شكرررررررررا

قوم يا مصرى

قوم يا مصرى

رد: قوم يا مصرى