10 اسباب علشان تعكنن على مراتك

من طرف محمد 27/5/2010, 2:03 pm

عشر طرق عشان تعكنن على مراتك
1
الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟
ولو حاولت ترجع تنام تانى قالها مادام صحيتى حضري الفطار بقى
2
اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )
3
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض
4
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
5
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها
6
متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!
7
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
8
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
9
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟
10
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى
و على فكرة انا هنا بس علشان اهدى النفوس
هههههههههههههههههههه

من طرف انسان خلوق 21/6/2010, 7:29 pm

مشكور

من طرف كابتن/ محمد حيدر 26/6/2010, 6:13 am

طيب اول واحد ه جامدة عقبال الباقي

من طرف كابتن/ محمد حيدر 26/6/2010, 6:16 am

بس علي فكرة محدش بيعمل كده دلوقتي

من طرف mnona 2/7/2010, 3:43 pm

إنه موضوع شيق شكرا لك يامحمد

من طرف رونا 3/7/2010, 12:01 am

شكرا اوي يا محمد وننتظر المزيد من الموضوعات الشيقه

من طرف ahmed fouad 3/7/2010, 3:32 am

ههههههههههههههههههههههههههههههه عسل

من طرف mnona 4/7/2010, 2:17 pm

شكرا جداااااااااااا يامحمد وانت فعلا جاى تهدى النفوس

من طرف بلسم حياتي 8/7/2010, 4:41 pm

كان من الأفضل 10 اشياء تسعد بها مراتك لانه من أفضل الأعمال الي الله تعالي الإصلاح بين الناس وذلك في الأمور العادية فما بالك بإصلاح بين الزوجين

10 اسباب علشان تعكنن على مراتك

10 اسباب علشان تعكنن على مراتك

رد: 10 اسباب علشان تعكنن على مراتك

رد: 10 اسباب علشان تعكنن على مراتك

رد: 10 اسباب علشان تعكنن على مراتك

رد: 10 اسباب علشان تعكنن على مراتك

رد: 10 اسباب علشان تعكنن على مراتك

رد: 10 اسباب علشان تعكنن على مراتك

رد: 10 اسباب علشان تعكنن على مراتك

ليه تعكنن على مراتك