تعرف على البحر الذى يمر من المحلة هل هو نهر نيل ام ترعة ام ماذا

اولا اليكم تتبع هذا النهر من منبعه حتى نهايته من واقع الخريطة
حتى نعرف البحر الذى نستمتع برؤيته ونحن فى نادينا الجميل نادى الصيد
هل هو نهر نيل ام ترعه ام ماذا

كبر الصورة لمشاهدتها بوضوح

اللون الازرق هم فرعين النيل الرئيسيين - فرع رشد وفرع دمياط
اللون الاحمر تتبع بحر شبين والذى نطل عليه من نادينا الجميل نادى الصيد بالمحلة الكبرى
بقيادة مفرح قلوبنا بتطويرات النادى وصحاب الابتسامة الجذابة واللسان المعسول وصديق الكبار والصغار
الدكتور محمود شحاته


اول منبع للنهر
يتفرع النهر بالقرب من القناطر الخيرية من تلاقى فرعين النيل الرئيسيين
ويخترق وسط الدلتا حتى يصل الى شبين الكوم


ثم يتفرع الى فرعين فرع يمر بعدة مدن وقرى ثم يمر من مدينه المحله الكبرى ويمر بعدة قرى ومدن اخرى حتى يصب فى البحر المتوسط من جمصه


وفرع يمر بجانب مدينه طنطا ويمر بعدة قرى ومدن بعدها حتى يصب فى فرع رئيسى من النيل بجانب من مدينه رشيد

عرضه
يتسع نسبيا فى اماكن ويضيق نسبيا فى اماكن

عرضه فى مدينتنا المحله الكبرى 67 متر وهذا من واقع قياسه بالمتر من الجوجل ارث

اما الذين يسمونه ترعه
فلا اعرف من اين اتو بهذة التسميه
ومعروف ان اى ترعه يتراوح عرضها من خمسه امتار حتى عشرة امتار
كمثل ترعة بلقينا مثلا والتى كانت تمر من شارع الترعه قبل ان تردم ويرصف الشارع
وكمثل الترعه التى كانت تخترق منشيه البكرى وهيه ردمت الان وبيرصفوها
وكمثل الترعه التى ردمت الان ويقام عليها حديقه كبيرة فى مدخل المحله بعد المستعمرة وكان بجانبها مصرف وردم هو الاخر

كل هذا كان ترع لان عرضه لا يزيد عن خمسه او عشرة امتار
ومعروف ان الترع والقنوات حفرت فى عهد محمد على لانه اهتم بالزراعه فى مصر
فكيف لمحمد على ان يحفر نهر يخترق وسط الدلتا بعرض يزيد عن خمسن متر ويقطع الدلتا من اولها الى اخرها بالغلئ والفاس لان ماكنش عنده معدات زى دلوقتى

طبعا دا مش قناه سويس لان ممكن واحد يقول اتحفرت زى ما حفرو قناة السويس لان قناة السويس كانت مشروع استعمارى ومات كثيرا من المصريين فى حفرها لان العمل فيها كان يدار بالسخرة

اما الترع والقنوات فكان الفلاحين انفسهم يساعدو فى حفرها لانها كانت تروى اراضيهم

وحتى اسئلو كبار السن قولو لهم هل كان بيمر من بحر المحله مراكب شراعيه كبيرة لنقل البضائع
واسئلوهم كمان على ايه لازمة الكوبرى الخشب الصغير اللى جنب كوبرى حجازى من على اليمين ويكاد يكون ملاصق فى الكوبرى الخرسانى
وكان بيتفتح ولا لا ولما كان بيفتحوة كانو بيفتحوة ليه

ودى صورة للمراكب الشراعية القديمه لنقل البضائع






اقولكم انا الجواب واسئلوهم برضو

ايوة كانت بتمر من بحر المحله مراكب شراعيه كبيرة زى اللى كانت موجود فى فيلم صراع فى النيل بتاع رشدى اباظه وعمر الشريف وهند رستم لنقل البضائع من وجة بحرى لوجه قبلى والعكس عبر نهر النيل
والكوبرى الخشب دا كان بيتفتح بنظام الدوران علشان المراكب تمر لان حجمها كان كبير وشراعها اطول من اكبر نخله فى النادى
لان ماكانش فيه اصلا كوبرى خرسانى متسفل
لان الكوبرى الخرسانى دا بقاله تقريبا عشر سنين بس
وطبعا المراكب الشراعية مستحيل تمر من اى ترعه لان لها عمق وطول وعرض ولا تستطيع اى ترعه ان تحملها

خلاصة القول ان الذى يمر من مدينتنا المحله الكبرى والذى نجلس بجوارة ونشم نسيمه
بغض النظر عن الناموس لانه فى كل مكان
هو
نهر من انهار النيل المتفرعه داخل وسط الدلتا
وليس ترعة كما يسمونه البعض

مع تحياتى
اخوكم
احمد اسماعيل

مشكووووووووووووووووور
وجزاك الله كل خير

MERCI YA ABO 7EMED

thanks

الف الف شكرعلى المعلومات القيمه

شكرا ع المعلومة

مشكورين....................